Արաբկիրում շարունակվում են ձմռան նախապատրաստական աշխատանքները

Արաբկիր վարչական շրջանի ղեկավար Հովհաննես Վարդանյանը Facebook-ում գրում է.

«Արաբկիր վարչական շրջանում շարունակվում են ձմռան նախապատրաստական աշխատանքները: Կրթական, մշակութային հաստատություններում, գրադարաններում վերագործարկման են պատրաստվում ջեռուցման համակարգերը: Այսօր հանձնարարել եմ նախապատրաստվել առաջիկա ծառատունկին և միաժամանակ կազմակերպել շաբաթօրյակ: Հարկավոր է առանձնակի ուշադրություն դարձնել և ամենօրյա վերահսկողության ներքո պահել իրավիճակը գետնանցումներում: Դրանք պետք է մաքուր, բարեկարգ և լուսավոր լինեն միշտ: Այս օրերին շարունակվում են ապօրինի տեղադրված, չգործող կրպակների ապամոնտաժման աշխատանքները: Անդրադառնալով վարչական շրջանում բարեկարգման գործընթացին հանձնարարել եմ շարունակել նաև նկարազարդման աշխատանքները»: