Դիտորդը հիվանդանոց է ընդունվել ծանր վիճակում. մանրամասներ

Այսօր Գյումրու պետական տեխնիկական քոլեջում տեղակայված թիվ 34/54 ընտրատեղամասում դժբախտ դեպք է գրանցվել: Մոտ երկու ժամ առաջ մահացել է դիտորդ Գուրգեն Կոստանյանը:

Գյումրու բժշկական կենտրոնի վերակենդանցման բաժանմունքի բժիշկ Ռաֆայել Հարությունյանը Yerkir.am-ի հետ զրույցում ասաց, որ Գուրգեն Կոստանյանը ծանր վիճակում է ընդունվել բժշկական կենտրոն, և նրան կյանքի վերադարձնելու բոլոր միջոցառումները եղել են ապարդյուն:

Yerkir.am-ի հետ զրույցում  34/54 ընտրատեղամասի հանձնաժողովի նախագահ Կարինե Արշակյանը հայտնեց, որ դիտորդ Գուրգեն Կոստանյանը, ով մոտ 51 տարեկան էր, գնացել է ընտրատեղամաս, քվեարկելու, վերադարձել է 34/54 ընտրատեղամաս, նստած վիճակում նրա ինքնազգացողությունը  վատացել է: Շտապ օգնության բրիգադ են  կանչել, սակայն, ցավոք, նա բժշկական կենտրոնում  մահացել է: