Նյու Յորքում կայացել է Բայդեն-Էրդողան հանդիպումը

Թուրքիայի նախագահ Ռեջեփ Թայիփ Էրդողանը Նյու Յորքում ընթացող ՄԱԿ-ի Գլխավոր ասամբլեայի 71-րդ նստաշրջանի շրջանակներում հանդիպել է ԱՄՆ փոխնախագահ Ջո Բայդենի հետ:

Demokrathaber-ի հաղորդմամբ՝  կողմերի միջև տեղի ունեցած` մեկուկես ժամ տևած հանդիպումը եղել է փակ: Նրանք անդրադարձել են Սիրիայի ճգնաժամին, Կիպրոսի խնդրին, ԻՇԻՊ-ի դեմ պայքարին, ինչպես նաև  հուլիսի 15-ին Թուրքիայում տեղի ունեցած  ռազմական հեղաշրջման փորձին:

Հանդիպման գլխավոր թեմաներից է եղել նաև Թուրքիայում ռազմական հեղաշրջման փորձն իրականացնելու հարցում Թուրքիայի իշխանությունների կողմից մեղադրվող` ամերիկաբնակ Ֆեթուլլահ Գյուլենի արտահանձման հարցը: