Մովսես Հակոբյանը խոսել է այսօրվա զորահանդեսի եւ ապագա նշանակումների մասին

 ՀՀ ՊՆ Գլխավոր շտաբի պետի տեղակալ Մովսես Հակոբյանը այսօր, պատասխանելով լրագրողների հարցին` զորահանդեսի ժամանակ ցուցադրված զինատեսակների թվում կայի՞ն այնպիսինները, որոնք ձեռք էին բերվել 200 մլն դոլար վարկի շրջանակներում, ասաց. «Այնտեղ նաեւ զինտեխնիկա կար, որ այդ վարկի շրջանակներում է ձեռք բերվել, եւ զենք կար, որ մեր միջոցներով  է ձեռք բերվել»:

 Իսկ արդյոք այս զինատեսակները կզսպե՞ն հակառակորդին. լրագրողների հարցին Մովսես Հակոբյանը պատասխանեց. «Ցանկացած զինատեսակ, որ ձեռք է բերվում երկրի անվտանգության ապահովման համար»:

Հակոբյանն անդրադարձավ նաեւ ՀՀ պաշտպանության նախարարի նշանակմանը` կառավարության վերջնական ձեւավորումից հետո: «Նախարարը քաղաքական պաշտոն է, ով կլինի պաշտպանության նախարարը, պարզ կլինի»: Լրագրողները հետաքրքրվեցին` ինչպես է նա վերաբերվում Վիտալի Բալասանյանի հնարավոր նշանակմանը այդ պաշտոնում, Մովսես Հակոբյանը նշեց, որ ինքը գուշակություներով չի զբաղվում, դիտարկմանը, թե Ձեր թեկնածությունը նույնպես բարձրաձայնվում է` պատասխանեց`  նաեւ ինձ է վերաբերվում:

Իսկ եթե ձեզ առաջարկվի, հարցրեցին լրագրողները. «Եթե առաջարկվի, ես իմ պատասխանը կտամ այն մարդուն, ով կառաջարկի»,- պատասխանեց Գլխավոր շտաբի պետի տեղեկալը: