Հայաստանում անպատժելի մարդիկ չկան. ապագա գլխավոր դատախազ

Հայաստանում անպատժելի մարդիկ չկան և չեն լինի. այսօր խորհրդարանում լրագրողներին ասաց ՀՀ գլխավոր դատախազի պաշտոնակատար Արթուր Դավթյանը՝ պատասխանելով հարցին, թե` Ձեր պաշտոնավարման ընթացքում այնպիսի անպատժելի մարդիկ, ինչպիսին Սաշիկ Սարգսյանը, Ռուբեն Հայրապետյանն ու Սուրեն Խաչատրյանն են, անհրաժեշտության դեպքում կստանա՞ն իրենց արժանի պատիժները: Նրա խոսքով՝  ինքը Հայաստանում նման մարդկանց չի ճանաչում:

Հարցին, թե ինչպե՞ս կարձագանքի իր հասցեին հնչող այն քննադատություններին, որ դատախազի պաշտոնը վաստակել է «Հարսանքար»ի գործով մատուցած ծառայությունների դիմաց, Դավթյանը պատասխանեց, որ ինքը բոլոր քննադատություններին ըմբռնումով է մոտենում: «Հատկապես կառանձնացնեմ առողջ, օբյեկտիվ քննադատությունները»,- ասաց նա:

Ի դեպ, Դավթյանը նշեց նաև, որ իր ամփոփիչ ելույթում կանդրադառնա նաև քննադատություններին: