Արյունով ու քրտինքով օծված 25 տարիներ. վարչապետը շնորհավորեց Արցախի անկախության օրը

Այսօր կառավարության նիստի օրակարգին անցնելուց առաջ ՀՀ վարչապետ Հովիկ Աբրահամյանը շնորհավորեց Արցախի անկախության 25-ամյակի առթիվ:

«Այն քսաներորդ դարի վերջին մեր ազգային զարթոնքի առաջին արգասիքն է: Համայն հայության հույզերով և հույսերով լեցուն, արյունով ու քրտինքով օծված այս քառորդ դարը Հայաստան աշխարհի, Արցախի Հանրապետության կայացման տարիներն են: Դրանք քիչ են դարերով ձևավորված պետական ինստիտուտների գործառույթներ ունենալու տեսանկյունից, սակայն ավելի քան բավարար՝ հայկական պետական կառույցների կենսունակությունը ու լուսավոր ապագայի ներուժն ապացուցելու համար»,- ասաց Հովիկ Աբրահամյանը:

Նա հավաստիացրեց, որ հայոց պետականության ձեռքբերումները պետք է պաշտպանել ամեն գնով: