Բուկլետի տպագրության համար փող չունեն

Կառավարության այս շաբաթվա նիստի օրակարգում քաղաքաշինության նախարարությունը ներառել է որոշում, որի ընդունմամբ ակնկալվում է «Կառուցապատողի ուղեցույց»-ի  ռուսերեն և անգլերեն լեզուներով թարգմանված տարբերակները տեղադրել նախարարության էլեկտրոնային կայքում: Դա նպատակ ունի բարձրցնել հանրապետությունում կառուցապատման թույլտվությունների տրամադրման վերաբերյալ իրազեկվածությունը, ապահովել իրավական ակտերի դրույթների պարզաբանման և մատչելի տեղեկատվության տրամադրման գործընթացը:

Կառուցապատման գործընթացի իրականացման  ընթացակարգերը  նկարագրող եռալեզու բուկլետի մշակման և դրա 2000 տպաքանակով հրատարակման համար անհրաժեշտ գումարի  տրամադրումը ՀՀ 2016 թվականի պետական բյուջեով նախատեսված ՀՀ կառավարության պահուստային ֆոնդի հաշվին ոչ նպատակահարմար է համարվել, և  հաշվի առնելով բուկլետի մշակման և դրա տպագրման համար անհրաժեշտ ֆինանսական միջոցների բացակայությունը, որպես խնդրի լուծման այլընտրանքային տարբերակ, առաջարկվում է նախարարության էլեկտրոնային կայքում տեղադրել «Կառուցապատողի ուղեցույցի» նաև ռուսերեն և անգլերեն լեզուներով թարգմանված տարբերակները: