Արայիկ Խանդոյանին մեղադրանք է առաջադրվել

«Սասնա ծռեր» խմբի անդամ Արայիկ Խանդոյանին՝ Միայնակ Գայլին, մեղադրանք է առաջադրվել: Այս մասին Yerkir.am-ի հետ զրույցում ասաց Արայիկ Խանդոյանի շահերի պաշտպան Արայիկ Պապիկյանը: «Արայիկ Խանդոյանին մեղադրանք է առաջադրվել ՀՀ քրեական օրենսգրքի 218 հոդվածի 3-րդ մասի 1-ին կետով (պատանդ վերցնելը) և 235 հոդվածի 3-րդ մասով (ապօրինի զենք զինամթերք ձեռք բերելը, իրացնելը, պահելը, փոխադրելը)»,- ասաց Պապիկյանը:

Նրա խոսքով` այս պահին Խանդոյանը, ամենայն հավանականությամբ, արդեն գտնվում է Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում, որտեղ ներկայացվելու է խափանման միջոց ընտրելու միջնորդությունը: