Չավուշօղլուն Ադրբեջանում քննարկվել է Հայաստանի և Ադրբեջանի միջև խաղաղության հաստատման հարցը

Թուրքիայի ԱԳ նախարար Մևլութ Չավուշօղլուն երկրում տեղի ունեցած ռազմական հեղաշրջման փորձից հետո հրավիրված առաջին ասուլիսի ժամանակ խոսել է մինչ հեղաշրջման փորձը Ադրբեջան կատարած իր այցի մասին, որի գլխավոր թեմաներից մեկը եղել է  Հայաստանի և Ադրբեջանի միջև խաղաղության հաստատումը:

Ըստ իշխանամետ AA-ի՝ Չավուշօղլուն շեշտել է, որ այդ թեմայով հանդիպումներ է ունեցել Ադրբեջանում` միաժամանակ վստահեցնելով, որ Հայաստանի հետ որևէ շփում չի ունեցել: Չավուշօղլուի խոսքով՝ միջազգային համաժողովների ժամանակ հայաստանցի պաշտոնակցի հետ ինքն ընդամենը սահմանափակվել է բարևելով ու զրուցելով:

Հերթական անգամ կրկնելով Ադրբեջանի «օկուպացված» տարածքների հարցում նրան ցուցաբերվող Թուրքիայի աջակցության մասին, Չավուշօղլուն ասել է.

«Մենք այդ հարցում միշտ Ադրբեջանի կողքին ենք եղել: Քննարկումներ ենք ունեցել Ադրբեջանի համար ընդունելի բոլոր լուծումների և համատեղ իրականացվելիք քայլերի վերաբերյալ»: