Բանակցային գործընթացքում մեծ ակտիվություն է նկատվում. Ալիև

Ղարաբաղյան հակամարտությունը մոտ ապագայում պետք է լուծվի. հուլիսի 10-ին կառավարության նիստում հայտարարել է Ադրբեջանի նախագահ Իլհամ Ալիևը:

Ըստ ադրբեջանական APA գործակալության` նա դարձյալ խոսել է «օկուպացված տարածքների» ազատագրման մասին: «Ստատուս քվոյի փոփոխությունը ենթադրում է օկուպացված տարածքների ազատագրում: Վերջին մի քանի ասմիների ընթացքում բանակցային գործընթացում նկատվում է մեծ ակտիվություն»,- ասել է Ալիևը:

Ադրբեջանի ղեկավարը խոսել է նաև «տարածքային ամբողջականության» մասին՝ ընդգծելով, որ դա իրենց համար առաջնային սկզբունքներից է: «Խնդիրը պետք է լուծվի փուլերով: Ադրբեջանի տարածքային ամբողջականությունը պետք է  ապահովված լինի: Հայկական երկրորդ պետություն չպետք է  ստեղծվի: Լեռնային Ղարաբաղին չի կարող տրվել անկախություն»,- շեշտել է նա: