«Թեժ գիծ» ծառայությունը ստացել է օձի խայթոցի 47 դեպքի մասին ահազանգ

2016 թվականի առաջին կիսամյակի ընթացքում «Թեժ գիծ» ծառայությունը ստացվել է 8223 հեռախոսազանգ: 2015 թվականի նույն ժամանակահատվածում  գրանցվել է 7490 հեռախոսազանգ:

Հնչել են բազմաբնույթ հարցեր, գերակշիռ մասը` տեղեկատվական բնույթի (5765 հեռախոսազանգ): Բնակչությանը հետաքրքրել են նաև մինչև 7 տարեկան երեխաների անվճար բժշկական օգնության` 291, ծննդօգնության` 198,  մասնագիտացված բուժօգնության` 284, առողջության առաջնային պահպանման օղակի` 343, դեղերի քաղաքականության` 276, տեսչական բնույթի` 127, աշխաատնքային իրավահարաբերությունների` 18, սոցիալական փաթեթի առողջապահական բաղադրիչի` 421, զինծառայողների և նրանց ընտանիքի անդամների բուժօգնության` 219  վերաբերյալ հարցեր:

Զանգերից 213-ը չեն առնչվել ՀՀ առողջապահության նախարարության գործառույթներին:

«Թեժ գիծ» ծառայությունը ստացել է օձի խայթոցի 47 դեպքի մասին ահազանգ:

Համակարգի աշխատանքից շնորհակալական 21 զանգ է հնչել:

Եղել են նաև բողոքներ` 125, որոնք զեկուցվել են ՀՀ առողջապահության նախարարին և աշխատակազմի ղեկավարին:

Քաղաքացիների կողմից բարձրացված հարցերն ուսումնասիրվել են, տրվել սպառիչ պատասխաններ և լուծումներ: Խնդրահարույց դեպքերի առնչությամբ տրվել են լրացուցիչ հանձնարարականներ:

 Առողջապահության նախարարություն