Զորամասի հրամանատարը, որի թողտվությամբ Արմենչիկը տոպրակ էր բաժանում զինվորներին, նկատողություն է ստացել

ՊՆ խոսնակ Արծրուն Հովհաննիսյանն այսօր պատասխանեց լրագրողների մի քանի հարցերի: Մասնավորապես` երգիչ Արմենչիկի կողմից զինվորներին նվերներ բաժանելու աղմկահարույց փաստի վերաբերյալ ՊՆ խոսնակը նշեց. «Այնտեղ որևէ քրեական տարր չկա, անփութություն է տեղի ունեցել, որի պատճառով զորահամասի հրամատարությունը նկատողություն է ստացել»:

Հարցին, թե ճի՞շտ է տեղեկությունը, որ աշխատանքից ազատվել է Սամվել Ալեքսանյանի կողմից մեքենա նվեր ստացած հրամանատարը, Հովհաննիսյանը պատասխանեց. «Հնարավոր է: Ես ամեն մի ազատում և նշանակում չեմ կարող մեկնաբանել և ճիշտ էլ չեմ համարում մեկնաբանել: Հայաստանի Հանրապետության զինված ուժերում նման մակարդակի հեռացումներն ու նշանակումներ սխալ եմ համարում մեկնաբանել»:

Ինչ վերաբերում է երկու օր առաջ զինվորի ինքնասպանության դեպքին, որը զինվորի հոր կողմից մեկնաբանվում է որպես սպանություն, Արծրուն Հովհաննիսյանը նշեց. «Կա վարույթ արդեն, ընդ որում` դեռ չավարտված վարույթ, ես իրավասու չեմ մեկնաբանել»: