Թուրքիայի պաշտպանության նախարարն Ադրբեջանում խոսել է Արցախի խնդրի մասին

Ադրբեջանի Գաբալա քաղաքում տեղի է ունեցել Թուրքիայի, Ադրբեջանի ու Վրաստանի պաշտպանության նախարարների հանդիպումը:

Ըստ Sputniknews-ի` հանդիպումից հետո տեղի ունեցած մամուլի ասուլիսի ժամանակ թուրք նախարարն անդրադարձել է նաև Արցախյան հարցին: Թուրքիայի պաշտպանության նախարարը դարձյալ պաշտպանել է ադրբեջանական թեզերը`ներկայացնելով «խաղաղության հաստատման միակ պայմանը»:

«Թուրքիան չի կարող աջակցել այլ տարբերակի Լեռնային Ղարաբաղի հակամարտության լուծման հարցում, քանի դեռ չկան Ադրբեջանի տարածքային ամբողջականության մասին խոսակցություններ»,- հայտարարել է նախարարը` կրկնելով, որ Թուրքիան այս հարցում Ադրբեջանի կողքին է: