Արցախի պաշտպանության նախարարն այցելել է մարտի 19-ին վիրավորված զինծառայողներին

Երեկ ԼՂՀ պաշտպանության նախարար, ՊԲ հրամանատար, գեներալ-լեյտենանտ Մովսես Հակոբյանն այցելել է Ստեփանակերտի կենտրոնական զինվորական հոսպիտալ և տեսակցել ս.թ. մարտի 19-ին ՊԲ հյուսիսային ուղղղությամբ հակառակորդի հարձակումը հետ մղելու ժամանակ վիրավորված զինվորներին: Նախարարը հետաքրքրվել է վիրավորների վիճակով, զրուցել զինվորների և նրանց այցի եկած ծնողների հետ:

Առանձնահատուկ շեշտելով նրանց կատարածը` բանակի հրամանատարն իր շնորհակալությունն է հայտնել ինչպես զինվորներին, այնպես էլ ծնողներին` հայրենասեր ու անձնվեր զավակ դաստիարակելու համար և վիրավորներին մաղթել արագ ապաքինում:

ԼՂՀ ՊՆ մամուլի ծառայություն