Ինչ անուններ են նախընտրում ծնողներն իրենց երեխաների համար

Տեղեկացրել էինք, որ 2016-ի հունվար-մարտ ամիսներին գրանցվել է 9171 ծնունդ, որը 2,4 տոկոսով 2015-ին արձանագրված ծնունդների թվից քիչ է: Այսօր ՀՀ ԱՎԾ մարդահամարի եւ ժողովրդագրության բաժնի պետ Կարինե Կույումջյանը լրագրողներին հայտնեց, որ նորածինների անունները /գերակշռող մասը/ Հայաստանում շարունակում են նույնը մնալ:

«Այս տարվա առաջին եռամսյակում տղաների անունների մեջ գերակշռում են Դավիթ, Նարեկ, Ալեքս, Տիգրան, Հայկ անունները, աղջիկների` Նարե, Մարի, Մարիա, Մերի և Մարիամ անունները»,- ասաց Կույումջյանը:

Ի դեպ, 2016-ի առաջին եռամսյակում արձանագրվել է մանկական մահացության /մինչ 1 տարեկան երեխաների/ 77 դեպք` նախորդ տարվա նույն ժամանակահատվածի 83-ի համեմատ: