Վարդան Այվազյանն ափսոսում է, որ «Հրազդան-ցեմենտ»-ին արտոնություններ տալու որոշումը չընդունվեց

Այսօր ԱԺ տնտեսական հարցերի հանձնաժողովի նախագահ Վարդան Այվազյանը լրագրողների հետ զրույցում մեկնաբանեց «Հրազդան-ցեմենտ» ՓԲԸ-ին արտոնություններ տալու` կառավարության որոշման քվեարկությունը: Նշենք, որ քվորում չապահովելու պատճառով նախագիծը չընդունվեց:

Ըստ Վարդան Այվազյանի` ընդդիմությունը հանդես եկավ միասնական ու չքվեարկվեց: Միաժամանակ, ՀՀԿ-ական պատգամավորը շեշտեց, որ մի քանի պատգամավորների բացակայության պատճառով էր, որ չանցավ նախագիծը:

Հարցին, թե ի՞նչ ճակատագիր է սպասվում օրինագծին, նա պատասխանեց, որ «կառավարությունը նորից կբերի, որպեսզի դրվի քվեարկության»:

Վարդան Այվազյանն ափսոսում է, որ նախագիծը չի ընդունվելլ այս անգամ, որովհետև դա նշանակում է, որ «Հրազդան ցեմենտը» մաս-մաս կանեն ու կվաճառեն, ընդ որում՝ մետաղի ջարդոնի անվան տակ ու շատ ցածր գնով: