Թուրքիայում քարկոծել են ռուսական ֆուտբոլային ակումբի մարզիկներին տեղափոխող ավտոբուսը

Փետրվարի 16-ին Կ.Պոլսում քարկոծել են ռուսական «Լոկոմոտիվ» ֆուտբոլային ակումբի մարզիկներին տեղափոխող ավտոբուսը:

Ըստ Aksam պարբերականի` դեպքը տեղի է ունեցել ռուսական և թուրքական «Ֆեներբահչե» ակումբների միջև Եվրոպայի լիգայի 1/16 եզրափակիչի շրջանակներում կայանալիք խաղից առաջ:

Թուրք երկրպագուների պահվածքի մասին հայտարարությամբ հանդես եկած` ռուսական ակումբի երկրպագուների հարցերով զբաղվող տնօրեն Ալեքսեյ Երունովը նշել է, որ  միջադեպին միջամտել են ոստիկանները, որոնց օգնությամբ էլ միջոցներ են ձեռնարկվել: Ձերբակալվել է 3 մարդ: Բարեբախտաբար, տուժողներ չեն եղել:

Նշենք, որ ռուս-թուրքական ֆուտբոլային խաղն ավարտվել է թուրքական թիմի հաղթանակով՝ 2-0: