Կրակոցներ` Արագածավանում. կա 2 զոհ, 1 վիրավոր

Այս գիշեր կրակոցներ են հնչել Արագածոտնի մարզի Արագածավան գյուղում: Նախնական տեղեկություններով` կա 2 զոհ եւ 1 վիրավոր: Այս տեղեկությունը yerkir.am-ի հետ զրույցում հաստատեցին ոստիկանության լրատվական ծառայությունից: Ըստ Shamshyan.com-ի՝ մահացածներն են 40-ամյա Արտյոմ Սասունի Խամոյանը և 49-ամյա Վարդգես Հայկի Գալստյանը, իսկ վիրավորը սպանվածներից մեկի՝ Ա. Խամոյանի եղբոր որդին է՝ 32-ամյա Արման Սասունիկի Խամոյանը: Նշված անձինք բնակվում են նույն գյուղում:

Ոստիկանության Թալինի բաժնի աշխատակիցները նշված սպանությունները կատարելու կասկածանքով ոստիկանության Թալինի բաժին բերման են ենթարկել նույն գյուղի բնակիչ` 35-ամյա Սեդրակ Հենրիկի Ղազարյանին, ում մոտ հայտնաբերվել է «Վինչեստր» տեսակի հրացան: Դեպքի հանգամանքները պարզվում են: