Թուրքիան կօգտագործի Ուկրաինային. Газета.ру

Ուկրաինական դիվանագիտության ղեկավար Պավել Կլիմկինը այցով ժամանում է Ստամբուլ՝ Ուկրաինայի և Թուրքիայի նախագահների հանդիպումը կազմակերպելու: Ռուս-թուրքական հարաբերությունների սրման ֆոնին Կիևը ձգտում է մերձենալ Անկարայի հետ՝ ինչպես քաղաքական, այնպես էլ տնտեսական առումով. գրում է Газета ру-ն:

Փորձագետների կարծիքով՝ Թուրքիան կօգտագործի Ուկրաինային քաղաքական նպատակներով, սակայն մեծ օգուտ դրանից Կիևը չի ստանա:

Նշվում է, որ, բացի էներգետիկ համագործակցությունից, Ուկրաինայի համար կարևոր է ռազմական համագործակցությունը Թուրքիայի հետ՝ որպես ՆԱՏՕ-ի անդամի, ինչպես նաև Անկարայի դիրքորոշումը  Ղրիմի հարցում:

Իսկ Թուրքիայի համար, ըստ փորձագետների, առավել  շահավետ է տնտեսական համագործակցությունը: Ռուսական պատժամիջոցների պատճառով Մոսկվայում աշխատանքի հնարավորությունից զրկված թուրք գործարարներին կարող են օգնության գալ Ուկրաինայում առկա նախագծերը: Սակայն դժվար թե դա երկարաժամկետ լինի, քանի որ, ըստ փորձագետների, ռուս-թուրքական հարաբերությունների սրումը ժամանակավոր է: