Թուրքիայի արևելքում իրավիճակն օրեցօր լրջանում է, զոհերի թիվը՝ ավելանում

Ներկայիս Թուրքիայի տարածքում գտնվող հայկական Տիգրանակերտ (ներկայիս քրդաբնակ Դիարբեքիր) քաղաքի Սուր շրջանում, ուր պարետային ժամի 55-րդ օրն է, իրավիճակն օրեցօր լրջանում է:

Ըստ Demokrathaber-ի՝ բախումների ընթացքում վիրավորվածները մահանում են, քանի որ փակ ճանապարհների պատճառով շտապօգնության մեքենաների չեն կարողանում տեղ հասնել:

Այսօր հիվանդանոցում մահացել է երեք օր առաջ թիկունքից վիրավորված Հաքան Ասլան անունով երիտասարդը: Տեղական աղբյուրների հաղորդմամբ՝ նա մահացել է արյունահոսության հետևանքով:

Նշենք, որ Թուրքիայի հարավարևելյան շրջաններում հզոր մարտեր են ընթանում թուրք ուժայինների և Թուրքիայում ահաբեկչական համարվող Քուրդիստանի բանվորական կուսակցության զինյալների միջև: