Ադրբեջանը որոշել է «պատժել» ԱՄՆ-ին

Ադրբեջանի Միլի մեջլիսի պատգամավոր Ռովշան Ռզաևը հանդես է եկել օրենսդրական նախաձեռնությամբ, որն, ըստ էության, ԱՄՆ-ի «հակաադրբեջանական» օրինագծի պատասխանն է. հայտնում է haqqin.az-ը:

Նախագծում առաջարկվում է դադարեցնել ԱՄՆ-ի հետ համագործակցությունը էներգետիկայի, անվտանգության և ռազմական ոլորտներում, կասեցնել ադրբեջանցի զինվորականների մասնակցությունը Աֆղանստանի խաղաղապահ գործողությանը, արգելել ԱՄՆ ռազմական և այլ բեռների տարանցիկ փոխադրումը Ադրբեջանի տարածքով, ինչպես նաև Ադրբեջանի ենթակառուցվածքների օգտագործումը:

Առաջարկում է նաև սկսել ԵԱՀԿ Մինսկի խմբի համանախագահի պաշտոնից ԱՄՆ-ի հետկանչի գործընթացը: