Ուշագրավ բացահայտումներ` քաղաքացիական հագուստով ոստիկանները սպանության պահին հետևել են Դինքին սպանողին

Ուշագրավ բացահայտումներ են ի հայտ գալիս Կ.Պոլսում հրատարակվող հայկական «Ակօս» թերթի խմբագիր Հրանտ Դինքի դավադիր սպանության վերաբերյալ:

Ըստ CNNTurk-ի՝ սպանության պահին քաղաքացիական հագուստով 6 ոստիկան հետևել են Դինքին սպանող Օգյուն Սամասթին: Մինչ սպանություն կատարելը` մարդասպանը 3 անգամ զանգահարել է քաղաքային հեռախոսներով, սակայն նրա հեռախոսազրույցների ձայնագրությունները չեն ուսումնասիրվել, իսկ հեռախոսային խցիկները, որտեղից զանգահարել է Սամասթը, սպանությունից անմիջապես հետո տեղափոխել են:

 Հեռախոսազրույցների ու տեսախցիկների արձանագրությունների ուսումնասիրության արդյունքում հայտնի է դարձել, որ քաղաքացիական հագուստով 6 ոստիկաններ հետևել են մարդասպանին թե\' սպանությունից առաջ, թե\' հետո:

Հիշեցնենք, որ օրեր առաջ Օգյուն Սամասթը նամակ էր գրել՝ խնդրելով իրեն տեղափոխել Պոլսի բանտերից մեկը, որպեսզի կարողանա մասնակցել Դինքի գործով նոր դատավարություններին և ցուցմունք տալ: