Տորթի տուփի մեջ թաքցված թմրամիջոցը փորձել է հասցնել «Հրազդան» ՔԿՀ–ում գտնվող նախկին ամուսնուն

Այս տարվա մարտի 26-ին ուշագրավ դեպք է գրանցվել «Հրազդան» ՔԿՀ-ում: Հիշյալ կալանավայրում իր պատիժը կրող 35-ամյա Ալեքսանդր Վանեցյանը նախկին կնոջ միջոցով փորձել է ստանալ  անհայտ անձից Երևան քաղաքում ձեռք բերված  առանձնապես խոշոր չափի թմրամիջոցը: Համաձայն մեղադրական եզրակացության՝ նախկին կինը մարտի 26-ին թմրանյութը քողարկել է  տորթի տուփի մեջ և  հանձնուքի միջոցով փորձել փոխանցել նախկին ամուսնուն, սակայն թմրամիջոցը հայտնաբերվել և վերցվել է քրեակատարողական հիմնարկի աշխատակիցների կողմից:

35-ամյա դատապարտյալին մեղադրանք է առաջադրվել  ՀՀ ՔՕ 268-րդ հոդվածի 1-ին և 3-րդ մասերով (Առանց իրացնելու նպատակի առանձնապես խոշոր չափերով թմրամիջոցներ  ապօրինի ձեռք բերելը):