Նույնականացման քարտում բնակության հասցեի բացակայությունը խնդիրներ է առաջ բերում

Արդեն հայտնել ենք, որ ԱԺ պետաիրավական հարցերի մշտական հանձնաժողովում այսօր քննարկվում է ԱԺ պատգամավոր Տիգրան Ուրիխանյանի ներկայացրած նախագիծը, որով առաջարկվում է քաղաքացիներին թույլատրել իրենց ընտրական իրավունքը իրականացնել էլեկտրոնային քարտերի միջոցով:

Հարակից զեկուցող Տիգրան Ուրիխանյանին դիմեց ՀԱԿ խմբակցության պատգամավոր Գագիկ Ջհանգիրյանը և ասաց, որ ինքը, ընդհանուր առմամբ, կողմ է գաղափարին, բայց կարծում է, որ Ընտրական օրենսգրքում լուրջ փոփոխություններ անելու կարիք կա: Ջհանգիրյանը հարցրեց` եթե նույնականացման քարտում չկա բնակության հասցե, հնարավո՞ր է այլ վայրում քվեարկել: Ուրիխանյանը նշեց, որ ամեն քարտ իր համարն ունի և լավ կլինի ներդնել մի համակարգ, որը հնարավորություն կտա «կարդալու» քարտը: