Պառավաքարում երեկ չեն կարողացել տուն վերադառնալ խաղողի բերքահավաքից. լուսանկարներ

Տեղեկացրել էինք, որ երեկ Պառավաքարում հակառակորդի ականի պայթյունից զոհվել է 83-ամյա Պայծառ Աղաջանյանը: Տատի որդին` Լյովա Աղաջանյանը, yerkir.am-ի հետ զրույցում նշեց, որ իրենց տունը գյուղի ամենաապահով տարածքում է, և երբեք իրենց մտքով չի անցել, որ հակառակորդի գնդակն իրենց տուն էլ կհասնի:

Ի դեպ, ըստ գյուղացիների, Պառավաքարի վրա առաջին անգամ կիրառվել է թուրքական արտադրության` խոշոր տրամաչափի զինատեսակ, դրա ականներից մեկն ընկել է տատի տուն, իսկ մյուսը` պայթել այգում: Աղաջանյանի տնից քննիչներն առգրավել են բեկորները:

Գյուղացիներն, իրենց հերթին, yerkir.am-ի թղթակցին տեղեկացրեցին, որ երեկ ամբողջ օրը չեն կարողացել խաղողի բերքահավաքից տուն վերադառնալ և դաշտում թաքնվել են այնքան ժամանակ` մինչև մութն ընկնի: