«Ով ուզում է, թող գա». Հասմիկ Պողոսյանը վարչապետին հրավիրատոմս չի տա

Կառավարության այսօրվա նիստում որոշում կայացվեց Հայաստանի անկախության հռչակման 24-րդ տարեդարձին նվիրված տոնական միջոցառման կազմակերպման նպատակով «Ա. Սպենդիարյանի անվան օպերայի և բալետի ազգային ակադեմիական թատրոն» պետական ոչ առևտրային կազմակերպությանը, որպես նվիրաբերություն, տրամադրել 5 միլիոն դրամ: Գումարն անհրաժեշտ է տոնական մեծ համերգի կազմակերպումը, ինչպես նաև ԶԼՄ-ներով ու եթերով դրա հեռարձակումն ապահովելու համար:

Նախագիծը ներկայացնող` մշակույթի նախարար Հասմիկ Պողոսյանը նշեց, որ հունիսի 20-ին օպերայի և բալետի ազգային ակադեմիական թատրոնում տեղի կունենա համերգ, իսկ ամսի 21-ին` Հանրապետության հրապարակում: «Կարող եք գալ»,- ասաց նախարարը:

«Հրավիրատոմս ուղարկելո՞ւ եք, որ մասնակցենք»,- հարցրեց վարչապետը:

«Չէ, բացօթյա համերգ է լինելու, ով ուզում է թող գա մասնակցի, իսկ Օպերայում տեղի ունեցող համերգին մասնակցել ցանկացողները կարող են դիմել»,- պատասխանեց Հասմիկ Պողոսյանը: