Լևոն Հայրապետյանի հետ ընկեր չենք. Ստերլիգովի հարցազրույցը՝ Սոբչակին

Շուշի քաղաքում իր երկրորդ տնտեսությունը հիմնած ռուս գործարար Գերման Ստերլիգովը դարձել է ռուսական Дождь հեռուստաալիքի «Собчак живьем» հաղորդաշարի հյուրը և պատասխանել Սոբչակի` մի շարք սադրիչ հարցերի:

Հաղորդման ընթացքում Սոբչակը Ստերլիգովին հարցեր է ուղղել БОРН-ի հետ կապերի, Ադրբեջանի կողմից նրա նկատմամբ միջազգային հետախուզում հայտարարելու, Լեռնային Ղարաբաղում հաստատվելու, այնտեղ ջրաղաց աշխատեցնելու, հայ գործարար Լևոն Հայրապետյանի նվերի մասին և այլն:

Օրինակ` նա հետաքրքրվել է` իրավունք ունե՞ր, արդյոք, Ստերլիգովը գնել հին հայկական ջրաղացը, ինչին Ստերլիգովը պատասխանել է, որ ուներ և արդեն գնել է: Նա պատմել է, որ Ղարաբաղում ռուսներին շատ լավ են վերաբերվում, և որևէ արգելք չկա:

Սոբչակը նաև հետաքրքրվել է` Ստերլիգովը և Լևոն Հայրապետյանը  ընկերնե՞ր են, եթե` ոչ, ապա  ինչո՞ւ է Հայրապետյանը գործարարին ձիեր նվիրել` բերված Անգլիայից և Հոլանդիայից: Ստերլիգովը պատասխանել է, որ իրենք նոր են ծանոթացել, պարզապես Հայրապետյանը «շատ մեծահոգի մարդ է և ցանկացել է այդ կերպ աջակցել դժվար իրավիճակում հայտնված գյուղացուն»: