Արփինե Հովհաննիսյանը «տուն է վերադարձել»

Այսօր ԱԺ պետա-իրավական հարցերով մշտական հանձնաժողովի նիստին ներկա էր արդարադատության նորանշանակ նախարար Արփինե Հովհաննիսյանը, ով մինչ նախարար նշանակվելը եղել է պետաիրավական հանձնաժողովի անդամ:

Հանձնաժողովի նախագահ Հովհաննես Սահակյանը, նախքան նիստի օրակարգին անցնելը, շնորհավորեց Արփինե Հովհաննիսյանին նշանակման առիթով, ապա խոսքը փոխանցեց նրան: Արփինե Հովհաննիսյանը նշեց, որ այսօր իր փոխարեն հարցերին կպատասխանեն իր տեղակալները` խոստանալով, որ առաջիկայում կօգտագործի բոլոր հնարավորությունները` պատգամավորների հարցերին պատասխանելու համար:

«Ես ինձ զգում եմ` ինչպես տանը: Կասկած չպետք է ունենաք, որ հնարավոր և անհնար բոլոր հնարավորությունները կօգտագործեմ` ձեր հարցերին պատասխանելու համար»,- նշեց նորանշանակ նախարարը: