Արդարադատության նախարարի պաշտոնում ՀՀԿ-ն քննարկում է բացառապես Արփինե Հովհաննիսյանի թեկնածությունը. Շարմազանով

ՀՀԿ ԳՄ նիստից հետո ՀՀԿ մամուլի խոսնակ, ԱԺ փոխնախագահ Էդուարդ Շարմազանովը լրագրողների դիտարկմանը` պատահական է արդյոք, որ ԳՄ նիստին ներկա է եղել նախարարի հավանական թեկնածու, ԱԺ ՀՀԿ-ական պատգամավոր Արփինե Հովհաննիսյանը, թե դա կապված է արդարադատության նախարարի պաշտոնում նրա նշանակման հետ, պատասխանեց. «Այո, նա այստեղ է եղել, քննարկվել է արդարադատության նախարարի նշանակման հարցը, նախագահը խորհրդակցել է գործադիր մարմնի նախագահի հետ, եւ պարոն նախագահն իր որոշումը կկայացնի: Միայն ասեմ, որ գործադիրում դրական են տրամադրված եւ վստահում են Արփինե Հովհաննիսյանի պրոֆեսիոնալիզմին: Նախագահն իր որոշումը կկայացնի շուտով»,- ասաց Շարմազանովը:

Հարցին` իսկ ինչու չհաստատվեց լրատվամիջոցներում շրջանառվող Արթուր Օսիկյանի թեկնածությունը, Շարմազանովը պատասխանեց. «Արթուր Օսիկյանը պրոֆեսիոնալ  մարդ է: Բայց մենք քննարկել ենք բացառապես Արփինե Հովհաննիսյանի թեկնածությունը»: