Եվրահանձնաժողովը Հունաստանին 7 մլրդ եվրո կտրամադրի

Եվրահանձնաժողովը պատրաստ է Հունաստանին 7 մլրդ եվրոյի չափով միջանկյալ վարկ տրամադրել՝ պատգամավորների կողմից միջազգային վարկատուների հետ համաձայնությունը ընդունելու դիմաց. հայտնում է Газета.ру-ն՝  Reuters-ին հղումով:

Ընդ որում` Եվրահանձնաժողովը պատրաստ չէ ներել երկրի պարտքը՝ անկախ Արժույթի միջազգային հիմնադրամի զեկույցից:

Հուլիսի 15-ին Հունաստանի խորհրդարանը կքննարկի «Կայունության եվրոպական մեխանիզմի (ESM) հետ համաձայնության գալու համար բանակցությունների անցկացման հրատապ միջոցների» օրինագիծը։ Նշենք, որ համաձայնության հասնելու պայմանն են երկրում բարեփոխումները և տնտեսման միջոցների ձեռնարկումը: 

Օրինագծի ընդունումից է կախված ԵՄ-ի օգնության 3-րդ ծրագրի ճակատագիրը: