Արցախ տեղափոխված ռուս միլիարդատերը Շուշիում ասուլիս է հրավիրում

ԼՂՀ տեղափոխված ռուս միլիարդատեր Գերման Ստերլիգովը Շուշիում ասուլիս է հրավիրում: Այս մասին, Artsakhpress.am-ի հաղորդմամբ,  նա գրել է ВКонтакте սոցցանցի իր էջում և հավելել. «Անցկացման վայրը՝ ծաղկող այգի` Լեռնային Ղարաբաղ, հին հայկական քաղաք Շուշի: Կեսօրին»:

Նա լրագրողներին հորդորել է գործուղվել Շուշի եւ իմանալ ճշմարտությունը:

Հիշեցնենք, որ երեկ ռուսական լրատվամիջոցները տեղեկացրել էին, որ ռուսաստանցի հայտնի միլիարդատեր Գերման Ստերլիգովը կնոջ ու 5 երեխաների հետ, երեք շաբաթ առաջ տեղափոխվել է Լեռնային Ղարաբաղ: Լեռնային Ղարաբաղում նա էկոլոգիապես մաքուր սննդատեսակների արտադրություն է սկսել, նաեւ վաճառքի է հանել Մերձմոսկվայում ունեցած իր գույքը:

Մանրամասն` սկզբնաղբյուրում