Ուժ չի կիրառվելու. Հունան Պողոսյան

Ոստիկանությունը պատրաստվում է ազատել Բաղրամյան պողոտան: ԱԺ ՀԱԿ խմբակցության պատգամավոր Նիկոլ Փաշինյանը զրուցեց փոխոստիկանապետ Հունան Պողոսյանի հետ: Վերջինս հորդորում էր Փաշինյանին, որ իր հեղինակությունն օգտագործի և համոզի ցուցարարներին` չհակառակվել ոստիկանության պահանջներին: Սակայն Նիկոլ Փաշինյանը նշեց, որ ինքը կազմակերպիչ չէ և չի կարող խառնվել գործողությունների բովանդակային մասին, միայն խնդրում է, որ ոստիկանությունը ուժ չկիրառի: Հունան Պողոսյանը պատասխանեց, որ ուժ չի կիրառվելու, պարզապես ցուցարարներին հեռացնելու են պողոտայի երթևեկելի մասից:

Վալերի Օսիպյանն էլ խնդրեց լրագրողներին` հեռանալ պողոտայի երթևեկելի հատվածից: Այս պահին ոստիկանական ուժերն առաջ են շարժվում` ազատելու պողոտան: