Բողոքի լայնածավալ ցույցեր Հունաստանում

Հունաստանի մայրաքաղաք Աթենքում տասնյակ հազարավոր մարդիկ են մասնակցում բողոքի ցույցին` կիրակի օրը նախանշված հանրաքվեից առաջ, որում պարզ կդառնա ` ընդունում են արդյոք հույները միջազգային օգնություն տրամադրելու վարկատուների պայմանները:

«Այո» եւ «ոչ» պատասխանների կողմնակիցները բողոքի առանձին ակցիաներ են անցկացնում:  Բախումներ են տեղի ունեցել ոստիկանների եւ ցուցարարների միջեւ:

Ցուցարարաներին ելույթով դիմել է երկրի վարչապետ Ալեքսիս Ցիպրասը:

Ավելի վաղ Ցիպրասը հեռուստաուղերձով դիմել էր հույն ժողովրդին `կոչ անելով արհամարհել միջազգային վարկատուների շանտաժը եւ հանրաքվեում դեմ քվեարկել նրանց առաջադրած պայմաններին: