Քաղաքացիական խաղաղ անհնազանդության դեմ պայքարը տվել է պտուղներ. Սերժ Թանկյան

Աշխարհահռչակ ռոք երաժիշտ Սերժ Թանկյանն իր ֆեյսբուքյան էջում անդրադարձել է էլեկտրաէներգիայի թանկացման դեմ բողոքի ցույցերին:

Տեղադրելով բողոքի ցույցի վերաբերյալ Asbarez պարբերականի հոդվածը՝ Թանկյանը, մասնավորապես, նշել է երեք կետ, թե ինչ է նշանակում այս միջադեպն իր համար.

«1. Օտարների կողմից մոնոպոլիզացված կոմունալ ընկերությունները պետք է ազգայնացվեն և խոստորեն կարգավորվեն անկախ կառույցի կողմից:

2. Հայաստանում քաղաքացիական հասարակությունը ծաղկում է:

3. Անարդար ծրագրերի դեմ քաղաքացիական խաղաղ անհնազանդության նախորդ հաջողված արշավները, ինչպիսին հասարակական տրանսպորտի թանկացման դեմ ակցիան էր, տվել են պտուղներ»: