«Մնում ենք, մնում ենք». ցուցարարները չեն ուզում հեռանալ Բաղրամյան պողոտայից

«Ոչ թալանին» նախաձեռնության ակտիվիստները տարբերակներ են առաջարկում մարդկանց`մնալ Բաղրամյան պողոտայում, տեղից չշարժվել, առավոտյան շարունակել պայքարը: Եվ երկրորդ տարբերակը` գնալ Ազատության հրապարակ:

Մարդիկ սկսեցին դժգոհել երկրորդ տարբերակից, ինչին ի պատասխան, ակտիվիստները հայտարարեցին. «Մենք չենք վախենում: Ով որ մտածում է` մեզ համար Բաղրամյան պողոտայում մի գիշեր մնալը դժվար է կամ վախենում ենք, սխալվում է»:

Փոխոստիկանապետ Օսիպյանը փորձեց համոզել. «Ձեր` էստեղ մնալու իմաստը ո՞րն է, 5 ժամ է` էստեղ եք, հինգ մետր առաջ եկե՞լ եք, մի բան առաջ տարել ե՞ք»:

«Մնում ենք, մնում ենք»,- բացականչում են հավաքվածները՝ չնայած ակտիվիստների հարցադրումներին` մնանք, ի՞նչ անենք: