Ինչու՞ Հայաստանը չի ճանաչում ԼՂՀ անկախությունը. պատասխանում է Սերժ Սարգսյանը

«Հայաստանը չի ճանաչում Կոսովոյի, Աբխազայի, Հարավային Օսիայի անկախությունը,  եւ ինչու՞ չի ճանաչում Լեռնային Ղարաբաղի Հանրապետությունը»,- ռուսական առաջին հեռուստաալիքի «Պոզներ» հաղորդման ընթացքում ՀՀ նախագահ Սերժ Սարգսյանին հարցրեց Վլադիմիր Պոզները:  

«Որովհետեւ մենք բանակցություններ ենք վարում Ադրբեջանի հետ: Եւ միջնորդներն են Մինսկի խմբի համանախագահնեը`՝ ՌԴ, Ֆրանսիա, ԱՄՆ:

Ճանաչել նշանակում է հրաժարվել բանակցային գործընթացից: Եթե ճանաչենք, ինչի՞ շուրջ բանակցենք: Բանակցելու բան չկա:

Եւ եթե նրանց ճանաչեինք, ԼՂՀ-ն նույնպես պետք է ճանաչենք ու հակառակը: Այլապես, ինչպե՞ս բացատրենք Ղարաբաղի ժողովրդին՝ թե ինչու չենք ճանաչում ԼՂՀ անկախությունը»,- նշեց Սերժ Սարգսյանը:

Պոզների հարցին՝ այսինքն հավանական է, որ եթե ճանաչեք ԼՂՀ անկախությունը,  ամենայն հավանականությամբ ռազմական գործողությունները կվերսկսվե՞ն, ՀՀ նախագահը պատասխանեց. «Եթե բանակցություներ չվարենք, իհարկե այդ վտանգը մեծանում է: Մենք ցանկանում ենք, որ հարցը լուծվի խաղաղ ճանապարհով»: