Քննարկվում է «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» օրենքը երկարաձգելու հարցը

Այսօր ԱԺ քառօրյա նիստում քննարկվում էր կառավարության ներկայացրած` «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» օրենքում փոփոխություններ անելու մասին հարցը:

Հիմնական զեկուցող` ՀՀ Սփյուռքի նախարար Հրանուշ Հակոբյանը նշեց, որ օրենքի նախագծով նախատեսվում է երկարաձգել 27 տարին լրացած անձանց քրեական հետապնդման չենթարկելու, համապատասխան տուգանքներ մուծելու կարգը: Նպատակն այն է, որ Սփյուռքում գտնվող քաղաքացիները կարողանան գալ Հայաստան:

«Այսօր քրեական հետապնդման մեջ են գտնվում 30 հազար հոգի, և օրենքը հնարավորություն կտա մեղմելու գոյություն ունեցող խնդիրը»,- ասաց նախարարը:

ՕԵԿ խմբակցության ղեկավար Հեղինե Բիշարյանն առաջարկում էր առհասարակ  հանել ժամկետային սահմանափակումները, որ օրենքը գործի անժամկետ, այլ ոչ թե ամեն տարի երկարաձգվի ժամկետը:

Սփյուռքի նախարարը նշեց, որ, ըստ Սահմանադրության,  արական սեռի յուրաքանչյուր քաղաքացի պետք է անցնի պարտադիր զինվորական ծառայություն, ահա, թե ինչու նշվում է ժամկետ: