Ամոթ է, ներկայացնում եմ մի կառավարություն, որը հրաժարվում է ճանաչել Հայոց ցեղասպանությունը. Քերոլայն Քոքս

Այսօր Մարզահամերգային համալիրում ընթացող` «Ընդդեմ ցեղասպանություն հանցագործության» միջազգային համաժողովում ելույթ ունեցավ Միացյալ Թագավորությունը ներկայացնող բարոնուհի, հայ ժողովրդի մեծ բարեկամ Քերոլայն Քոքսը: Նրա ելույթի ամեն նախադասությունից հետո հնչում էին ծափեր:

Քերոլայն Քոքսը նախ պատմական անվանեց այդ միջազգային ֆորումը: Նա նշեց. «Սա միակ տեղն է, որտեղ ես ցանկանում եմ լինել այսօր և վաղը»:

Բարոնուհին հավելեց. «Անձնապես շատ ցավում եմ, տխուր եմ, որ ներկայացնում եմ մի խորհրդարան, որի կառավարությունն այսօր հրաժարվում է ճանաչել Հայոց ցեղասպանությունը: Համոզված եմ, որ սա ամոթ է: Սակայն Ուելսը, Շոտլանդիան ճանաչել են, և ես նրանց ծափահարում եմ: Մենք այստեղ ենք՝ հայտնելու մեր հանձնառությունը՝ ճանաչել բոլոր ժամանակների ցեղասպանությունները»: