Ռուսաստանը Իրանին C-300 համակարգեր չվաճառելու հիմքեր չի տեսնում

Մոսկվան Իրանին C-300 զենիթահրթիռային համակարգերի մատակարարումը մերժելու հիմքեր չի տեսնում: Այդ մասին հայտարարել է ՌԴ նախագահ Վլադիմիր Պուտինը «ուղիղ կապի» ժամանակ:

«C-300 զենիթահրթիռային համակարգերի վաճառքի արգելք մտցվեց 2010-ին՝ ՄԱԿ-ի պատժամիջոցների հետ կապված: Իսկ այժմ, երբ միջուկային խնդրի հարցով բանակցությունները գրեթե ավարտված են, և համաձայնություն է ձեռք բերվել, կարող ենք հանել այդ արգելքը:  Սակայն այն երկրները, որոնց անհանգստացնում է այդ հարցը, երևի չգիտեն, որ ՄԱԿ-ի պատժամիջոցների ցանկում նման զինատեսակի մատակարարումները չեն մտնում: Մենք արգելքը սահմանել էինք միակողմանի կարգով և հիմա հիմքեր չենք տեսնում դրանք պահպանելու համար»,- ասել է նա: