Արտաշատում, Երևանի որոշ շրջաններում կարկուտ է տեղում. Գագիկ Սուրենյան

ՀՀ օդերևութաբանության կենտրոնի պետի տեղակալ Գագիկ Սուրենյանը Yerkir.am-ին տեղեկացրեց, որ, համաձայն օպերատիվ տվյալների, հարապետության որոշ շրջաններում կարկուտ է տեղացել: «Համաձայն մեր տեղեկությունների՝ այս պահի դրությամբ շարունակում է կարկուտ տեղալ Արտաշատում, Մերձավանում և Երևանի որոշ հատվածներում: Ես կարող եմ միայն ինֆորմացիա հաղորդել այն տարածքների մասին, որտեղ տեղակայված են մեր կայանները, մինչդեռ չեմ բացառում, որ հնարավոր է` կարկուտ է տեղացել նաև հանրապետության այլ հատվածներում»,- ասաց նա:

Նշենք, որ ԱԻՆ-ից տեղեկություն չտրամադրեցին այն վայրերի մասին, ուր կարկուտ է տեղացել: Գյուղատնտեսության նախարարությունն էլ քիչ անց տեղացած կարկուտի ազդեցության մասին հաղորդագրություն կտարածի: