Ոստիկանության Կապանի բաժնի նոր պետի անունը հայտնի է

Այսօր՝ մարտի 26-ին, Հայաստանի ոստիկանության պետ, գեներալ-լեյտենանտ Վլադիմիր Գասպարյանի հրամանով կադրային մի շարք փոփոխություններ են տեղի ունեցել ոստիկանության համակարգում: Մասնավորապես` ոստիկանության կադրերի ռեզերվ են ուղարկվել ոստիկանության Ախուրյանի բաժնի պետ Գևորգ Թադևոսյանը, Չարենցավանի բաժնի պետ Սամվել Տոնոյանը: ՀՀ ոստիկանապետի մեկ այլ հրամանով` Արայիկ Դավթյանն ազատվել է ոստիկանության Կապանի բաժնի պետի պաշտոնից և նշանակվել ոստիկանության Գորիսի բաժնի պետի պաշտոնում:

Yerkir.am-ի տեղեկություններով` նրան այդ պաշտոնում փոխարինել է գնդապետ Արսեն Ավոյանը, ով մինչ այդ զբաղեցնում էր Երևանի Նոր Նորքի բաժնի պետի տեղակալի պաշտոնը: