Տիգրան Ուրիխանյանը խոսեց կառավարման համակարգի «բառադիության» մասին

Այսօր ԱԺ հայտարարությունների ժամին ԲՀԿ խմբակցության պատգամավոր Տիգրան Ուրիխանյանը նշեց, որ փետրվարյան իրադարձությունները նոր իրավիճակ ստեղծեցին, իսկ հանրությունը հայտնվեց ապատիայի մեջ:

«Ես այսօր հարցադրմամբ եմ այստեղ` արդյո՞ք փետրվարյան քաղաքական ճգնաժամից հետո գործազրկությունն ու արտագաղթը նվազեցին, արդյո՞ք բառադիությունը վերացավ պետական կառավարման մեջ, վստահ եմ, որ ոչ: Այս պահից սկսած` խնդիր ունենք վերաիմաստավորվելու մի ուղղությամբ: Մի վերելակի պատմությունը կարող է ցնցել հանրապետությունը, որովհետև բառադիությունը պետական համակարգում իշխող է դարձել: Իրավունք չունենք աչք փակելու նման դրսևորումների վրա, որ 21-րդ դարում կարող է վայր ընկել վերելակը ու զոհվել երիտասարդ անձնավորություն, այն պատճառով, որ ինչ-որ մեկը գումարներ է գրպանում ու չի իրականացնում իր գործառույթները»,- ասաց պատգամավորը: