ԲՀԿ-ի ճակատագիրը Գյումրու ԲՀԿ-ական քաղաքապետին չի վերաբերում

ԲՀԿ-ի ճակատագիրը պարզ կլինի մարտի 5-ին կայանալիք համագումարի ժամանակ: Այսպիսի կարծիք ունի Գյումրու ԲՀԿ-ական քաղաքապետ Սամվել Բալասանյանը:

Yerkir.am-ը նրանից հետաքրքրվեց, թե կանխատեսումներ չունի՞ հարազատ կուսակցության ճակատագրի վերաբերյալ: Նա ասաց. «Քանի որ իմ կառույցը ապաքաղաքականացված է, ես` որպես քաղաքապետ, աշխատում եմ այլ ուղղությամբ: Քաղաքն ունի շատ լուրջ պրոբլեմներ, այնպես որ` ինձ դա այդքան էլ շատ չի վերաբերում»:

Մեր այն դիտարկմանը, թե չէ՞ որ ԲՀԿ-ի մասին է խոսքը, Բալասանյանը պատասխանեց կարճ և չցանկացավ մեր մյուս հարցերին պատասխանել: «ԲՀԿ-ի մասին արդեն պատասխանեցի»,-ասաց եւ անջատեց հեռախոսը:

Նշենք, որ արդեն իսկ լուրեր են շրջանառվում Բալասնյանի հնարավոր պաշտոնանկության մասին: