Կռվում-բարիշում են, հետո էլ ասում են` արի ներեմ, ի՞նչը ներես. Նիկոլայ Ծատուրյանը` ՀՀԿ-ԲՀԿ «կռվի» մասին

Այն, ինչ կատարվեց վերջին օրերին Հայաստանի ներքաղաքական կյանքում` ՀՀԿ-ԲՀԿ-ի հետ կապված, ուղղակի մանկապարտեզ էր. լրագրողների հետ հանդիպման ժամանակ կարծիք հայտնեց ռեժիսոր Նիկոլայ Ծատուրյանը:

Ըստ նրա` եթե տանը երեխա կա` շատ հեշտ է հասկանալ այս ամենը, քանի որ քաղաքական դաշտում տեղի ունեցող դեպքերը կրկնում են մանկապարտեզներում տեղի ունեցող դեպքերը:

«Կռվում են, բարիշում են: Ոչ մի լուրջ բան էլ չկա: Հետո էլ ասում են` արի ներեմ… Ի՞նչը ներես»,- ասաց Ծատուրյանը:

Ինչ վերաբերում է հարցին, որ վերջին օրերին որոշ ԲՀԿ-ականներ լքում են կուսակցությունը, նա նշեց, որ տարօրինակ է այդ ամենը, քանի որ եթե դու դավաճանում ես այն, ինչը նախկինում քո դիրքորոշումներն էր արտահայտում, ինչի՞ համար ես ապրում: «Մարդ պետք է չզիջի իր դիրքերը, չդավաճանի իր դիրքորոշումներին»,- ասաց Ծատուրյանը: