«Թամարա». թուրք մոդելը` հայուհու դերում

«Աստղեր» ֆիլմարտադրող ընկերության տնօրեն Ումութ Յըլդըզի՝ հայուհու կյանքի մասին պատմող «Թամարա» անունով ֆիլմում թուրք մոդելը կմարմնավորի հայուհու կերպարը. տեղեկացնում է  Haberler-ը:

Ֆիլմի նկարահանումները կկայանան ապրիլ ամսին Վանում: Յըլդըզը հայտնել է, որ ֆիլմի նկարահանումներին իր աջակցությունն է ցուցաբերել մշակույթի նախարարությունը:

Նշելով, որ ուրախ է մարմնավորել հայուհու դերը, մոդել Օզայն ասել է. «Սա ողջ կյանքում իմ ամենացանկալի դերն էր: Ինձ դուր եկավ նաև ֆիլմի երաժշությունը: Բացի այդ` ուրախ եմ, որ ֆիլմի նկարահանումների համար համար կմեկնեմ Վան, ուր շատ եմ ցանկացել լինել»:

Այն, որ նկարահանումների համար ընտրվել են ապրիլ ամիսն ու Վան քաղաքը, նաեւ ֆիլմի անվանումը մեզ թույլ են տալիս ենթադրել, որ թուրքերը փորձում են իրենցով անել հայկական «Ա~խ, Թամար» լեգենդը: