Ահաբեկչություն` Սոմալիում՝ Էրդողանի այցելությունից առաջ. կա 3 զոհ

Թուրքիայի նախագահ Ռեջեփ Թայիփ Էրդողանը վաղը պաշտոնական այցով կմեկնի Սոմալի:

Ըստ Haberler-ի՝ թուրքական պատվիրակությունը Էրդողանի ժամանումից մեկ օր առաջ է մեկնել Սոմալի, սակայն նրանց կայանած հյուրանոցի դիմաց ահաբեկչություն է տեղի ունեցել: Զինված մեքենայի պայթյունի հետեւանքով մահացել է 3 սոմալեցի:

Այդ կապակցությամբ հայտարարությամբ է հանդես եկել Թուրքիայի վարչապետ Ահմեդ Դավութօղլուն: Նա ցավակցել է կատարված ահաբեկչության ընթացքում մահացած 3 քաղաքացիների հարազատներին և տեղեկացրել, որ դեպքի պատճառով նախագահը չի հետաձգի իր այցը:

«Բարեբախտաբար, թուրքական պատվիրակության մեջ զոհեր չկան»,- հավելել է Դավութօղլուն:

Ահաբեկչությունը գլխավորած անձանց և դրա նպատակի մասին տեղեկություններ չկան: