Ինչպե՞ս է Գյումրու սպանդից փրկված փոքրիկի վիճակը. նոր մանրամասներ

Գյումրիում տեղի ունեցած դաժան սպանդից փրկված 6 ամսական Սերգեյ Ավետիսյանի վիճակը շարունակում է մնալ ծանր: Նա այժմ գտնվում է «Գյումրու Մոր և մանկան ավստրիական հիվանդանոց»-ի վերակենդանացման բաժանմունքում` բժիշկների խիստ հոսկողության տակ: Փոքրիկին պարբերաբար այցելում են նրա հարազատները:

Yerkir.am-ի հետ զրույցում հիվանդանոցի տնօրեն Աշոտ Կուրղինյանը հայտնեց, որ երեխան կտրող-ծակող գործիքից (հավանաբար` դանակ) մոտ 6 վնասվածք է ստացել և առնվազն 6 ժամ առանց ծածկոցի մնացել: Ըստ նրա` եթե հնարավոր լիներ երեխային շուտ հասցնել հիվանդանոց` նման բարդություններ չէին առաջանա:

Կուրղինյանի խոսքով` սա առաջին դեպքն է, որ նման վնասվածքներով  և այդ տարիքի երեխա է ընդունվում  իրենց մոտ:

Մանրամասները` Yerkir.am-ի տեսանյութում: