Թուրքիայի մշակույթի նախարարությունում աշխատակազմին սպառնացել են` գլուխ կպոկեն

Տեղեկություններ են շրջանառվում, որ Թուրքիայում մշակույթի և զբոսաշրջության նախարարությունում սպառնացել են աշխատակիցներին:

Ըստ T24-ի՝ նախարարության՝ ռազմավարության զարգացման գծով փոխնախագահ Իսմայիլ Դեմիրելը աշխատակիցների հետ արտահերթ ժողով է անցկացրել, որի ընթացքում նրանց սպառնացել է` ասելով. «Թող բոլորն ուշադրություն դարձնեն աղջիկ-տղա հարաբերություններին: Անբարոյականություն անելու դեպքում ձեր գլուխը կպոկեմ, գործից կազատեմ: Ձեզ իրար կողքի չտեսնեմ»:

Ըստ Cumhuriye-ի լրագրող Սելդա Գյունեյսուի՝ Ժողովրդա-հանրապետական կուսակցության` Ստամբուլից պատգամավոր Լևենթ Թուզելն այդ հարցը բարձրացրել է խորհրդարանում, սակայն պատասխան չի ստացել:

«Մշակույթի նախարարությունում կատարված այս դեպքը նախագահ Էրդողանի՝ նախկինում արած հայտարարությունների արդյունքն է: Դեռ 9 տարեկանում գլխաշոր կրելը հասարակության շրջանում բևեռացումներ է գոյացնում: Դե, պատկերացրեք՝ ինչ վիճակում է գտնում հասարակությունը»,- ասել է պատգամավորը: