Բարերարն այլեւս չի ֆինանսավորում հայկական դեսպանությանը

ԱԺ-ում 2015թ. բյուջեի քննարկման ժամանակ ՀՀ արտգործնախարարի տեղակալ Շավարշ Քոչարյանը նշեց, որ 2015-ին նոր դեսպանատների բացում նախատեսված չէ:

Փոխարտգործնախարարը նաև նշեց, որ ԱԳՆ-ին բյուջեից տրամադրված գումարի 90 տոկոսը բաժին է հասնում դեսպանատներին, որովհետև, ըստ նրա, դեսպանատուն ունենալը թանկ հաճույք է, և այդ գումարի միայն մի փոքր մասն է հատկացվում բուն կենտրոնական ապարատին:

Շավարշ Քոչարյանը նշեց, որ Դանիայում ՀՀ դեսպանատունը հինգ տարի գործում էր մի բարերարի նվիրատվությունների հաշվին: «Բարերարը հինգ տարով էր համաձայնել ֆինանսավորել: Դե, հիմա հինգ տարին լրացել է: Այլ հարց է, որ մենք նրան համոզեինք, որ չդադարեցներ ֆինանսավորումը, սակայն հիմա բարդություններ են առաջացել, և նա այլևս չի կարող ֆինանսավորել դեսպանատանը»,- ասաց նա: