Երկրի նախագահին որոշում է հասարակությունը, ոչ թե ֆինանսները. Զարուհի Փոստանջյան

Եռյակին մաս կազմող «Ժառանգություն» կուսակցության անդամ, ԱԺ պատգամավոր Զարուհի Փոստանջյանը Հայաստանի հաջորդ նախագահի պաշտոնում տեսնում է միմիայն Րաֆֆի Հովհաննիսյանին: Այս մասին այսօր լրագրողներին հայտնեց ինքը՝ Փոստանջյանը:

«Ես Գագիկ Ծառուկյանի մտադրություններին չեմ անդրադառնալու: Հայաստանն ունի ընտրված նախագահ, դա Րաֆֆի Հովհաննիսյանն է, և եթե լինեն ընտրություններ, ժողովուրդը կրկին կընտրի ժողովրդավարական ուժերին: Այս թեման փակված է»,- ասաց նա:

Հարցին՝ ինչպե՞ս կարող է օլիգարխ Գագիկ Ծառուկյանը նախագահի պաշտոնը զիջել Րաֆֆի Հովհաննիսյանին, Զարուհի Փոստանջյանը պատասխանեց, որ այդ պաշտոնը թելադրում է հասարակությունը, այլ ոչ` ֆինանսները, որովհետև վերջին նախագահական ընտրություններում Սերժ Սարգսյանը նույնպես հսկայական ֆինանսական միջոցներ ծախսեց, սակայն նա ոչ թե ընտվեց նախագահ, այլ բռնազավթեց իշխանությունը: